മൂല്യനിർണയം

ക്ലാസ് മുറിയിലെ പഠന പ്രവർത്തനങ്ങൾ എത്രമാത്രം ഫലപ്രദമായി എന്ന് മനസ്സിലാക്കാൻ എല്ലാ ബോധന പ്രവർത്തനങ്ങളും മൂല്യനിർണയത്തിന് വിധേയമാക്കാം. മാപനത്തേക്കാൾ വിശാലമായ അർത്ഥമുള്ളതും അല്ലെങ്കിൽ അതിനേക്കാൾ ഉയർന്ന തലത്തിൽ ഉള്ളതുമാണ് മൂല്യനിർണയം. വിദ്യാഭ്യാസ ലക്ഷ്യങ്ങളുടെ പൂർത്തീകരണം എത്രയെന്ന് തീരുമാനിക്കുന്നതാണ് മൂല്യനിർണയം എന്നാണ് റാൽഫ് ഡബ്ല്യൂ ടെയ്ലർ അഭിപ്രായപ്പെടുന്നത് .

വർക്ഷോപ്പുകൾ

അധ്യാപകർക്ക് പ്രായോഗിക പരിശീലനം നൽകുകയാണ് വർക്ക്ഷോപ്പുകളുടെ ഉദ്ദേശ്യം. ചെറുസംഘങ്ങൾ ആയുള്ള പ്രവർത്തനമാണ് വർക്ഷോപ്പുകളിൽ അനുയോജ്യം. അക്കാദമിക് കാര്യങ്ങളിൽ അനുഭവപ്പെടുന്ന ബുദ്ധിമുട്ടുകൾ ചർച്ചചെയ്ത് പ്രശ്ന പരിഹാരം കണ്ടെത്താൻ വർക്ക്ഷോപ്പുകൾ സഹായിക്കുന്നു

സംവാദം

ഒരു പ്രത്യേക പ്രശ്നത്തെക്കുറിച്ച് വിരുദ്ധമായ അഭിപ്രായങ്ങളുള്ള രണ്ടോ അതിൽകൂടുതലോ വിദ്യാർഥികൾ തങ്ങളുടെ വാദങ്ങൾ അവതരിപ്പിക്കുന്ന പരിപാടിയാണ്. സംവാദം നിയന്ത്രിക്കുവാൻ മോഡറേറ്റർ ഉണ്ടായിരിക്കും. സംവാദം നടത്തുമ്പോൾ വാദമുഖങ്ങളാണ് അവതരിപ്പിക്കേണ്ടത്. രണ്ടുപേരാണ് സംവാദത്തിൽ പങ്കെടുക്കുന്നത്. വസ്തുത വിട്ടുപോകാതെ ക്രമത്തിൽ ക്രോഡീകരിക്കാൻ കഴിയുക എന്നതാണ് സംവാദത്തിൽ പ്രധാനമായും ശ്രദ്ധിക്കേണ്ട ഒരു കാര്യം.

സിമ്പോസിയം

വിവാദപരമായ പ്രശ്നങ്ങളെക്കുറിച്ചുള്ള ചിന്തകളുടെ പങ്കുവയ്ക്കലാണ് സിംപോസിയത്തിന്റെ പ്രധാനലക്ഷ്യം. സദസ്സ് ഈ ചർച്ചകൾ ശ്രദ്ധിക്കുകയും ഓരോ വ്യക്തിയും അവതരിപ്പിക്കപ്പെട്ട കാഴ്ചപ്പാടുകളെക്കുറിച്ച് തങ്ങളുടേതായ അഭിപ്രായങ്ങൾ രൂപീകരിക്കുകയും ആണ് ചെയ്യുന്നത്

പോർട്ട്ഫോളിയോ

വിദ്യാർഥിയുടെ പഠനപ്രക്രിയയെ പറ്റി ധാരണ കിട്ടാനുള്ള മാർഗ്ഗമാണിത്. പരമ്പരാഗതരീതിയിലുള്ള പരീക്ഷകളെ മാറ്റിനിർത്തിക്കൊണ്ട് വൈവിധ്യമാണ് രീതിയിൽ മൂല്യ നിർണയ പ്രക്രിയ നടത്തുവാൻ ഇത് അധ്യാപകനെ സഹായിക്കുന്നു. പഠിതാക്കളുടെ വ്യക്തിഗത കഴിവുകളെ വെളിച്ചത്തു കൊണ്ടുവരാനുള്ള പ്രവർത്തനങ്ങളുടെ ശേഖരമാണിത്. വ്യത്യസ്തമായ ഇത്തരം ശേഖരണങ്ങളിലൂടെ അവരുടെ പ0ന പുരോഗതി വിലയിരുത്തുവാൻ കഴിയുന്നു

പ്രതിപുഷ്ടി

പഠനപ്രക്രിയയുടെ നെടുംതൂണാണ് ശരിയായ രീതിയിൽ നടക്കുന്ന പ്രതി പുഷ്ടി പ്രക്രിയകൾ. പഠന താല്പര്യം നിലനിർത്താനും �� അധ്യാപക-വിദ്യാർഥി ബന്ധം സ്ഥാപിതമാകുവാൻ നല്ല   പ്രതിപുഷ്ടി സഹായിക്കുന്നു. പഠനത്തിന്റെ വികസനത്തിനും വളർച്ചയ്ക്കും അത്യന്താപേക്ഷിതമാണ് പ്രതിപുഷ്ടി